post-title

"Tarixi-Nadir" Azərbaycan dilinə tərcümə edilib

Məhəmməd Füzuli adına Əlyazmalar İnstitutunda XVIII əsrdə yaşamış Mirzə Mehdi Xanın «Tarixi-Nadir» əsəri fars dilindən Azərbaycan dilinə tərcümə edilərək çapa hazırlanır.

Xəbəri AZƏRTAC yayıb.

Əsəri Azərbaycan dilinə tarix üzrə fəlsəfə doktoru Rəna Məmmədova çevirib.

Əlyazmalar İnstitutu direktorunun elmi işlər üzrə müavini, filologiya elmləri doktoru Paşa Kərimov bildirib ki, nəşrdə Nadir şahın saray tarixçisi olmuş Mirzə Mehdi Xanın görkəmli hökmdarın həyat və fəaliyyəti barədə maraqlı məlumatları əksini tapıb.

«Tarixi Nadir» kitabı 147 səhifədir. Bu kitabın orijinal nüsxələrindən biri Masallı rayon sakini Məşədi Həmid kişinin evində düz 40 ilə yaxındır ki, qorunur.

163 yaşlı kitab Hicri qəməri tarixi ilə 1272 (1851)-ci il, şaban ayının 9-da çapdan çıxıb. Bu kitab Nadir şah Əfşarın 11 illik hakimiyyəti dövründən bəhs edir.

Yuxarı