Stockhausen`in operası helikopterlərlə tamaşaya qoyulacaq

Музыка

 

1998-də bitirilən Çərşənbə, septologiyadan müəllifin səhnədə görmədiyi yeganə opera idi. Operanın indiyədək tamaşaya qoyulmasına əngəl törədən səbəblərdən biri onun tamaşasında helikopterlərdən istifadə olunması hesab olunurdu. Belə ki, operaya simli kvartetin helikopterlərdə ifa etməli olduğu bir parça - Helikopter-Streichquartett də daxildir. Qeyd edək ki, məhz bu parça əvvəllər müstəqil şəkildə ifa olunub.

Avqust ayının 22-25-də tamaşaya qoyulması nəzərdə tutulan 6 hissəli, 5 saat sürəcək operanın səhnələşdirilməsində 150-dən çox adam iştirak edəcək. Operanın partiturasında canlı-elektron və akustik alətlər, həmçinin xordan istifadə olunub. Tamaşanın musiqi quruluşçusu və Stockhausen`lə uzun illər birlikdə işləmiş Kathinka Pasveer`in dediyinə görə “bəstəkar vəfat edənə qədər bu operanın tamaşaya qoyulmasını arzulayırdı”.

London 2012 festivalının direktoru Ruth Mackenize da bu layihə barədə fikirlərini bildirib: “Bu əsərin premyerası həm lokal, həm milli, həm də beynəlxalq publika tərəfindən festivalın əsas hissəsi kimi yadda qalacaq.”

Opera Birmingham şəhərindəki keçmiş Argyll Works zavodunun həyətində, açıq havada səhnələşdiriləcək.

Tamaşa internetdə - BBC tərəfindən də canlı yayınlanacaq.

Kultura.az

Kultura.az | Developed by Samir Yahyazade